اذا معك هاتف سامسونج يدعم واجهة One UI 9، تقدر تستخدم صور Motion Photo كخلفية متحركة على شاشة القفل او الشاشة الرئيسية، وبطريقة بسيطة جدا من خلال تطبيق المعرض.
الميزة حلوة خصوصا اذا عندك صورة متحركة التقطتها من قبل، لانك ما تحتاج تصور صورة جديدة. كل اللي تحتاجه ان الصورة تكون من نوع Motion Photo ومتوافقة مع الميزة.
كيف تستخدم Motion Photo كخلفية في One UI 9؟
اول شيء افتح تطبيق المعرض Samsung Gallery على جوالك.
بعدها دور على الصورة اللي تبي تستخدمها كخلفية. لازم تكون الصورة من نوع Motion Photo، يعني صورة فيها حركة قصيرة تم تسجيلها وقت التصوير.
- افتح الصورة بشكل عادي، وبعدها من الخيارات اختر تعيين كخلفية.
- هنا بتطلع لك شاشة تخصيص الخلفية، واذا كانت الصورة متوافقة مع الميزة راح يظهر لك خيار Motion Photo.
- فعل الخيار، ووقتها راح تستخدم سامسونج الحركة الموجودة داخل الصورة بدل ما تكون الخلفية مجرد صورة ثابتة.
- بعدها اختر وين تبي تستخدم الخلفية، سواء على شاشة القفل او الشاشة الرئيسية او الاثنين مع بعض، وبعدها طبق التغييرات.
- وبكذا خلاص، صارت صورة Motion Photo عندك خلفية متحركة بدل الصورة العادية.
- والميزة الجميلة هنا انك تقدر تستخدم صورة متحركة موجودة عندك مسبقا في المعرض، وما تحتاج تصور صورة جديدة مخصوص عشان تستخدمها كخلفية.
يمكنك ايضا تفعيل ساعة One UI 9 على أي هاتف سامسونج يطريقة سهلة جدا
ايش الاجهزة اللي تدعم الميزة حاليا؟
الميزة متوفرة حاليا على احدث اجهزة سامسونج القابلة للطي اللي تعمل بواجهة One UI 9 الرسمية، ومنها:
- Galaxy Z Flip 8
- Galaxy Z Fold 8
- Galaxy Z Fold 8 Ultra
اما بالنسبة لبعض الاجهزة الثانية، مثل Galaxy S26 في النسخة التجريبية، فالميزة غير متوفرة حاليا، لكن من المتوقع ان سامسونج توسع دعمها مع انتشار واجهة One UI 9 ووصولها لاجهزة Galaxy اكثر.
اذا كان جوالك يدعم الميزة وعندك صور Motion Photo، جربها، لانها تعطي شاشة القفل شكل اجمل وحركة بسيطة بدل الخلفية الثابتة المعتادة.
